Cultural Imperatives

Saturday, 17 June 2017

消失的童謠〔雜增篇〕

Page Liked · 17 June 2016Edited

消失的童謠〔雜增篇〕

粵語〔廣東話〕童謠，好多都係普羅大眾嘅創作，約定俗成，喺傳唱嘅過程入面會出現唔同嘅版本，但係無人會規定邊個先至係〔權威〕嘅版本。

隨著1949年大批移民嚟到香港，香港地區就繼承咗好多華南地區嘅童謠，好似〔月光光〕、〔賣懶〕等等。到咗1970年代尾，日本卡通喺香港嘅電視台播出，同埋當時社會嘅需求，好多新嘅粵語兒歌湧現，例如〔小時候〕、〔飄零燕〕等等。

由於受到推廣普通話嘅影響，唔少廣東地區嘅粵語童謠都有消失嘅危險。有好多幼稚園老師都唔係好識得粵語兒歌，只會教普通話兒歌，導致啲小朋友唔識唱粵語童謠，有專家建議將呢啲廣府文化編入教材。

不過，亦有一啲粵語童謠到依家仲保持頑強嘅生命力。

〔一二三四〕
一二三四，馬騮放臭屁，由年頭放到年尾。就係你，唔係你，都係你，擺個豬籠笠實你。

〔人污糟〕
人污糟，鬼都怕。人邋遢，最羞家。嚇壞二叔婆，嚇壞你阿爸。

〔入女廁〕
死鹹仔，衝入女廁所，畀人捉住咗，查佢戶口簿，原來鹹濕佬，查佢身份證，原來反革命。

〔又喊又笑〕
又喊又笑，烏蠅打醮，蠄蟧攋尿，老鼠過橋，貓兒偷笑。

〔丫蟬喊〕
丫蟬喊，荔枝熟，阿婆喊，買豬肉，大人喊，畀滾水淥，細蚊仔喊，畀米昇焗。

〔乞兒仔〕
乞兒仔，畫烏龜，一人一筆咪亂嚟，最後嗰個正衰仔！

〔千年女巫〕
傳說中，有個女巫在世上，全無頭髮，兩眼發青光。

〔大食懶〕
大食懶，起身晏；洗冷水，食冷飯。

〔大頭佛〕
鋼盔個大頭佛，著鞋就唔著襪。

〔大頭綠衣〕
ＡＢＣＤ，大頭綠衣；捉人唔到，吹ＢＢ。

〔今天天氣好〕
今天天氣 Beautiful，肥仔走去搵 Girl，攪到 Girl 大咗肚，生咗一堆 Animals。

〔勾鼻佬〕
勾鼻佬，正死仔，一入廣東亂咁嚟，殺人放火以為威。點不知，有嘢睇，遇著陳棠就飛石仔，打到佢爬喺地下要食泥。

〔月光光〕
月光光，照地堂，年三十晚，摘檳榔，五穀都豐收堆滿倉囉，老老嫩嫩都喜喜洋洋。蝦仔你快啲眯埋眼囉，一覺瞓到大天光。

〔月光光〕
月光光，照地堂，蝦仔你乖乖瞓落床。聽朝阿爸要捕魚蝦囉，阿嫲織網要織到天光。蝦仔你快高長大囉，划艇撒網就更在行。

〔月光光〕
月光光，照地堂，蝦仔你乖乖瞓落床。聽朝阿媽要趕插秧咯，阿爺睇牛佢要上山崗。蝦仔你快高長大咯，幫手阿爺去睇牛羊。

〔月光光〕
月光光，照地堂；年卅晚，摘檳榔；檳榔香，嚼紫薑；紫薑辣，買蒲達；蒲達苦，買豬肚；豬肚肥，買牛皮；牛皮薄，買菱角；菱角尖，買馬鞭；馬鞭長，起屋樑；屋樑高，買張刀；刀切菜，買籮蓋；籮蓋圓，買條船；船浸底，浸親兩個番鬼仔；一個蒲頭，一個浸底；一個摸茨菇，一個摸馬蹄。

〔月光光〕
月光光，照紗窗，照見契爺娶契娘，契娘頭髮未曾長，等得明年梳大髻，哋吔打打娶返歸。

〔去打仗〕
大笨象，揸支槍，去打仗，打唔贏，返嚟食碗辣椒醬，隔籬屋企燒炮仗，問你響唔響，唔響掌你兩巴掌。

〔去打仗〕
大笨象，揸支槍，去打仗，打完仗，翻嚟食碗鹹酸薑。

〔去打扙〕
搨薑，剪薑，吹你唔脹，掹我唔長。大笨象，揸支槍，去打扙，打完扙，返嚟食碗辣椒醬。

〔去打扙〕
氹漲，痴漲，吹你唔漲，大笨象，揸支槍，去打仗，打唔贏，返嚟食碗辣椒醬。

〔嘔叮噹〕
人人期望嘔白泡，嘔得多就死得早；人人懸耀悲哭慘叫，呼天慘叫仍未夠糟。爬進嘔吐膠袋裏，你想嘔泡必得到，奇妙嘔法不可思議，睇多一秒就嘔泡。想叮噹伴你嘔泡，一秒就做到。你睇！嘔出黎啦！幾恐佈！誰都驚死你，嘔清晒Ｄ泡。

〔打大書包〕
打大書包，打大書包，有隻豬，有隻豬，快啲攞支針嚟，快啲攞支針嚟，拮死佢，拮死佢。

〔打泥炮〕
打泥炮，泥炮響，唔使揸槍上戰場。

〔打波子〕
大眼鷄，鹹魚頭，你屙尿，唔洗手。

〔打馬仔〕
一人騎髆馬，兩人騎豬乸，三步要埋頭，撞到面就打。

〔打棋子〕
打棋子，靠眼屎，全憑眼界靠本事，唔好睇錯認鳩屎。

〔打開蚊帳〕
打開蚊帳，打開蚊帳，有隻蚊，有隻蚊，快啲攞把扇嚟，快啲攞把扇嚟，撥走佢，撥走佢。

〔正衰公〕
阿東東，正衰公，搞到家家窮到燶，日日夜夜鬥餐懞，家陣條褲穿哂窿。

〔生日歌〕
恭祝你生日撼穿個頭，慶賀你死埋老豆，年年都要乞食，歲歲都要摣兜，恭喜你，恭喜你！

〔生日歌〕
恭祝你生日撼穿個頭，慶賀你撼埋個鼻，年年都要煲飯，歲歲都要煲湯，恭喜你，恭喜你！

〔白欖仔〕
白欖仔，暗暗香，大哥買歸亞嫂嚐。亞嫂唔嚐，畀過細姑娘，姑娘得食隨街唱，果然大嫂惜姑娘。

〔伏匿匿〕
一就預備，二就匿埋，三就開盤，四就嚟到，嘭到算數。

〔好似你噉樣〕
河邊有隻羊，羊邊有隻象，象邊有隻馬騮仔，好似你噉樣。

〔收買佬〕
爛銅爛鐵，收買爛銅爛鐵。爛銻罉、爛銅煲、銻煲，爛爛都買。有乜玻璃樽就嘅藥水樽，有乜銅仙鎳幣，書紙報紙舊嘅新聞紙，有就趁貴拎嚟賣嘞……

〔死肥蜎檯底〕
死肥仔，住得矮，牀下底有隻鬼，嚇到佢蜎檯底。

〔行快啲啦〕
行快啲啦，喂！前面有個丁老伯，佢又肥又辣撻！

〔西園菱角〕
西園菱角兩頭尖，菱角落塘擺八仙。八仙擺落珍珠粒，珍珠擺落繡珠蓮；菱角紅還著綠，金橘著青李著黃，金橘子重大過菠蘿漢，今晚慈菇坐歌堂；三更鼓，閂閘時，龍眼過園偷荔枝；菱角擔*槍來打你，嚇得油柑碌墮地；白欖聽得嫌熱氣，香椽煮錯賴黃皮。

〔何家公雞〕
何家小雞何家猜，何家公雞何家猜，何家母雞，喔喔喔。猴子哥哥熊先生，松鼠妹妹牛叔叔，黃狗爸爸羊媽媽，來猜來猜唷。

〔估手指〕
估手指，要估中，邊個吾中，就吾中用，褲浪底見個窿。

〔你老豆〕
你老豆，嫌命長，跨到鴨綠江，跟風去練鋼。

〔男人頭〕
男人頭，女屎窟，男廁女廁都入得。

〔兒安眠〕
兒安眠，兒安眠，長夜安眠到曉天，媽媽只要兒入睡，兒要媽媽看月兒，雲蓋月光難會見呀，乖乖呀，快去眠！

〔咕碌咕碌〕
咕碌咕碌一，咕碌咕碌二，咕碌咕碌三，準備開炮打敵人！

〔姑丈擔櫈〕
姑丈擔櫈孩兒坐，孩兒坐落就劏隻鷄。鷄會在門前喔喔啼，不如劏隻鴨；鴨又嫌鴨毛多，不如劏隻鵝；鵝又嫌鵝頸長，不如劏隻羊；羊又嫌羊腳叉，不如劏隻馬；馬又會送加出步頭，不如劏隻牛；牛會耕田養人口，不如劏隻狗；狗會東西方有人嚟都知，不如劏隻大貓兒；貓兒又會捉老鼠，不如劏隻大肥豬；肥豬食主人三斗祿，主人食佢三塊肥豬肉。

〔拍大髀〕
拍大髀，唱山歌，人人話我冇老婆，扚起心肝娶返個，有錢娶個嬌嬌女，冇錢娶個豆皮婆。豆皮婆，食飯食得多，屙屎屙兩籮，屙尿沖大海，屙屁打銅鑼。

〔拍前胸〕
拍前胸，拍後胸，細蚊仔洗身唔怕凍，唔傷風，有事交還天阿公。

〔放臭屁〕
屁，係肚中之氣，放佢出嚟遊灑天地，鬼叫你咁貪心，聞咗我個屁，嗍咗入個鼻，我要你賠返二両四。

〔東南西北〕
東南西北二十一，男女廁所唔入得，入得唔出得，出左就變骷髏骨

〔肥仔同志〕
肥仔同志，勇敢又機智，揸住個滅火筒，衝入女廁，人哋問佢幾多次，佢話一次，人哋話唔止，佢話一萬次。

〔肥仔個頭〕
肥仔個頭，大過五層樓，肥仔隻手，細過荷蘭豆，肥仔嘅屎窟屙豆豆。

〔肥仔揸飛機〕
死肥仔，揸飛機，飛機失事撞玻璃，返到屋企唔忿氣，一腳踢爛部收音機。

〔肥佬肥腯腯〕
肥佬肥腯腯，買嚿豬肉去拜神，行到半路屎窟痕，返到屋企冇晒人。

〔肥佬肥騰騰〕
肥佬肥騰騰，買舊豬肉去拜神，行到半路屎忽痕，返到屋企瓜老襯。

〔肥婆跌落河〕
肥婆肥婆跌落河，三隻蚊螆咬肥婆。

〔肥婆跳舞〕
一二三，三二一，肥婆跳舞頂第一！

〔肥婆跳舞〕
一二三四五六七，肥婆跳舞頂第一，跳得高褲頭甩，跳得矮唔好睇。

〔芝麻〕
芝麻，芝麻，芝芝麻。上上，下下，右右，左左，前前，後後。一，二，三個，叉燒包。

〔金欖核〕
金欖核，兩頭尖，大哥留妹過新年，留來留去留唔住，一頂花轎到門邊；大哥打辦紅羅傘，二哥打辦金鳳針，胭脂水粉三哥買，腳著花鞋四哥裝，五哥便買廣州箱，綠檯綠椅六哥裝，七哥便買潮州槓，八哥便買象牙床，九哥便買猴子箱；十個阿哥，十個阿嫂，十個兵馬伴姑娘，行到橋頭燒坎砲，誰人嫁女最英雄！

〔門口狗〕
門口狗，看門口，吠兩吠，掉頭走。

〔阿駝駝〕
阿駝駝，賣燒鵝，賣唔哂，自已食番哂。

〔阿彌陀佛〕
阿彌陀佛，食屎屙欖核。

〔雨〕
落大雨啦雞仔貪玩，冷到傷風真真慘。論盡鴨仔擔朵花瓣，當作撐開小雨傘。魚仔生猛，蝦仔生猛，青蛙水中跳低欄。遇著母雞，今天生蛋，五隻雞仔通處逛。

〔咁貪心〕
鬼叫你咁貪心，聞咗我個屁，嗍咗入個鼻，我要你賠翻二兩四。

〔咬蔗鬚〕
咬蔗鬚，要睇毛，短毛輸，長毛贏，冇毛唔算數。

〔耶穌娶老婆〕
耶穌取老婆，耶穌取妾氏，耶穌差我三千蚊，好似仲未還。利沓利，利沓利，認真和味！

〔英雄被困筲箕灣〕
英雄被困筲箕灣，不知何日上中環，上到中環重加迫，迫到搵唔到嘢食。

〔飛麻鷹〕
摺紙機，麻鷹飛，飛來飛去唔落地，麻鷹有條尾。

〔食鬆糕〕
I dont know，食鬆糕，食完鬆糕，見耶穌，耶穌教我讀聖經，我教耶穌讀馬經，耶穌話我吾正經，我話發神經。

〔哨牙仔〕
四眼哨牙凸下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番吓。

〔恭喜你〕
恭喜你，恭喜你，講乜野都及着脷，放學唔識番屋企，年年考試考得尾。

〔神奇大帝〕
神奇大帝穿左個窿，娶左三位妾侍。有個靚、有個痘皮、有個斷氣就黎死。

〔鬥柑〕
搣開柑，數柑核，邊個核多就邊個贏，唔准手賴就噉縮骨。

〔鬥辣椒〕
紅辣椒，綠辣椒，平時你牙擦嘴藐藐，今日你冇膽同我撩。

〔鬥遠〕
鬥遠掟石頭，因住咪甩手，石頭最冇眼，掟親唔好眼淚流。

〔沬水底〕
沬水底，摸泥沙，摸到泥沙當金龜，摸唔到係契弟。

〔做大戲〕
黑面李逵，紅面關公，三國水滸亂晒龍，打敗清兵係英雄。

〔執到兩分錢〕
執到兩分錢，留返過年，過年有嘢食，留畀毛主席，主席話我乖，帶我出街，執到一張紙，寫住大地主。

〔帶盲公〕
帶盲公，帶盲婆，帶到盲公跌落河。

〔從前有座山〕
從前有座山，山上有座廟，廟裏有個和尙喺度講古仔。佢講咩古仔呢？從前有座山……

〔排排坐〕
排排坐，食粉菓，豬拉柴，狗透火，貓兒担凳姑婆坐，坐爛個屎忽唔好賴我。

〔排排坐〕
排排坐，食粉菓；豬拉柴，狗透火；貓兒擔凳姑婆坐；坐埋一齊唱支歌。

〔排排坐〕
排排坐，食菓菓，豬拉柴，狗燒火，貓兒擔櫈畀姑婆坐，坐爛個屎窟，唔好賴我，賴番隔籬個二叔婆。

〔排排坐〕
排排坐，食菓菓。豬拉柴，狗燒火。貓兒擔凳姑婆坐，坐爛屎窟咪賴我。

〔條街黑咪蚊〕
條街黑咪蚊，條街黑咪蚊，條街黑到鬼都怕。道路飛石走沙，臭到金羅殿下，係人係鬼都怕，嚇走個摩羅差。

〔猜呈沉〕
呈沉剪，呈沉包，呈沉糯米扠燒包；老鼠唔食香口膠，要食豆沙包。

〔猜呈沉〕
呈沉磨教义燒包，老鼠唔食奶油包。

〔頂手掌〕
伸長手，頂手掌，死人都要頂硬上，咿牙崩哨就貓噉樣。

〔魚生粥〕
我同你，咁鬼熟，請你食碗魚生粥，買多一條油炸鬼，俾你阿媽嚟送粥。

〔麻雀仔〕
麻雀仔，擔竹枝，擔上枝頭望亞姨：亞姨梳隻玲瓏髻，摘朵紅花伴髻圍。袢帶又長腳又細，咁好花鞋踩落泥，咁好白飯喂隻貓貓仔，咁好姑娘嫁個爛賭仔。

〔掟磚頭〕
掟磚頭，鬥大嚿，一掟掟到西門口，濺起浪花拋浪頭。

〔趌跛跛〕
趌跛跛，跳跳腳，咚咚咚，上跳下跳似麻雀。

〔握握手〕
握握手，好朋友，我上樓梯你跳樓，我食雪糕你就嘔，我唱山歌你收口。

〔煮飯仔〕
煮飯仔，先落米，風爐透火柴對齊，千祈唔好咁拿篩，我哋系細蚊仔。

〔畫烏龜〕
乞兒仔，畫烏龜，一人一筆咪亂嚟，最後嗰個人衰仔！

〔童子軍〕
童子軍，食雲吞，打爛碗，賠十蚊，冇錢賠，賠碌棍。

〔搖搖搖〕
搖搖搖，搖到外婆橋，外婆話我好寶寶，問我媽媽好不好，我說媽媽好。

〔搖搖搖〕
搖搖搖，趕水過沙橋，沙橋有螺執，搵眼針嚟挑，細路哥唔要，畀隻大香蕉，引到BB哈哈笑。

〔搖搖搖〕
搖搖搖，趕水過沙橋，沙橋窄，砸爛你個爛屎塔。

〔新婦仔〕
新婦仔，着紅裙，着咗紅裙拜安人，安人屙篤屁，彈到新婦笑微微。

〔椰子夾酸薑〕
氹氹紫薑，椰子夾酸薑，鷄蛋煲茶十五樣，又擔旗又擔桿，紅毛火水醃完薑，醃完一件又一件。

〔碌銅仙〕
碌銅仙，打銅錢，全憑眼界手出變，叮響銅錢俾個仙。

〔聖誕歌〕
聖誕老人終身監禁，騎住鹿仔去拜神，見到靚妹漠曬衫褲，見到超人賣底褲…

〔落雨大〕
落雨大，水浸街，阿哥擔柴上街賣，阿嫂出街著花鞋，花鞋花襪花腰帶，珍珠蝴蝶兩邊排。

〔落雨大〕
落雨大，水浸街。阿哥擔柴上街賣，阿嫂教我做花鞋。花鞋花襪花腰帶，一串珍珠兩邊排。有錢打對鈴啉鼓，冇錢打個石榴牌。

〔落雨大〕
落雨大，去睇燈，唔見花鞋共手巾，邊個執到畀番我，買盒細茶謝你恩。果條手巾唔打緊，果對花鞋值萬銀。鞋頭種得三竿竹，鞋尾種得一籮薑，中間起得一層樓。

〔落雨溦溦〕
落雨溦溦，水浸田基，田基有條蛇，嚇親大老爺，老爺有支槍，打親纏腳娘。

〔董存瑞〕
董存瑞，十八歲，爲國犧牲炸堡壘，炸到堡壘咯咯脆，全國人民流眼淚。美國出個霹靂彈，朝鮮出個垃圾篸，剷剷剷，剷到飛機落炸彈。

〔路好行〕
行，行，行，行到街邊執個橙。橙好食，路好行。

〔跳橡筋〕
小皮球，香蕉油，那兒開花一十一，一五六，一五七，一八一九二十一，二五六，二五七，二八二九三十一，三五六，三五七，三八三九四十一，四五六，四五七，四八四九五十一，五五六，五五七，五八五九六十一，六五六，六五七，六八六九七十一，七五六，七五七，七八七九八十一，八五六，八五七，八八八九九十一，九五六，九五七，九八九九一百零一。

〔跳橡筋〕
日又跳，夜又跳，跳跳埋埋詐媽驕。媽呀！俾分錢我買條橡筋再跳。

〔過天梯〕
過天梯，蝦矮仔，人在雲東過到西，唔怕米貴就最怕矮。

〔搣開柑〕
搣開柑，數柑核，邊個核多就邊個贏，唔准手賴就縮骨。

〔趌跛跛〕
趌跛跛，跳跳腳，咚咚咚，上跳下跳似麻雀。

〔蒸糕包〕
蒸糕包，蒸糕包，蒸糕大過包！

〔劈友〕
劈友，劈友，快啲走，走得快，好世界，走得嚤，冇鼻哥。

〔彈象棋〕
打棋子，靠眼屎，全憑眼界靠本事，唔好睇錯認嚿屎。

〔撞跛腳〕
趌跛跛，跛咗蹄，冇米煮，煮泥沙，冇屋住，住樓梯，樓梯有隻鬼，嚇到你瓹落牀下底。

〔撈魚仔〕
花手巾，眞引人，基邊撈魚好過癮，一兜一條好手運，千祈唔好踎到你頭暈。

〔數字歌〕
一加一，二加二，三加三，四加四，五加皮，六死你，七隻馬騮八條尾，九龍醫院唔收你，十個老婆送俾你！

〔數字歌〕
一落樓梯，二樓仆底，三個筋斗，四腳朝天，五塊膠布，六個傷口，七時入院，八時釘蓋，九時出殯，十分墟陷。

〔豬頭丙〕
以爲佢好醒，原來係個豬頭丙，以爲佢好拂，原來係個大水瀄。

〔豬頭丙〕
豬頭丙，扮老醒，其實唔値個斗令。

〔賣白欖〕
沙欖噃，茶窖貨。一分錢，買兩個。唔好食，咪逗貨！食落爽甜冇渣噃，食過好食呢——再嚟就買過。沙欖，茶呀茶窖貨。

〔賣菠蘿〕
死八婆，賣菠蘿，菠蘿有粒的，以為朱古力，食咗落肚痘皮忟雞積。

〔賣懶〕
賣懶，賣懶，賣到年卅晚，人懶我唔懶。

〔賣懶〕
賣懶去，買精歸，賣左懶仔過新年，食過年飯好種田。

〔踩腳趾〕
咚啄，酸薑，你亞嫲，纏腳娘。

〔龍舟舟〕
龍舟舟，出街遊，姊妹行埋莫打鬥，封封利是扎床頭。

〔曖姑乖〕
曖姑乖，曖大姑仔嫁後街。後街有啲乜嘢買？有啲鮮魚鮮肉買。鮮花戴，戴唔曬，丟落牀頭畀個老鼠拉，一拉拉去隔條街。隔街有啲乜嘢買，有啲鮮魚鮮肉買，鮮花戴，戴唔戴……

〔曖姑乖〕
曖姑乖，曖大姑乖嫁後街，後街有鮮魚鮮肉賣，又有鮮花戴，戴唔晒，擺落牀頭畀老鼠拉，拉拉拉，拉去大新街，大新街又有個扯皮鞋，扯下開，又扯下埋。

〔曖姑乖〕
曖姑乖，曖姑大，曖大姑乖嫁後街，後街有鮮魚鮮肉賣，又有鮮花戴，戴唔晒，擺落牀頭俾老鼠拉。

〔點指兵兵〕
點兵兵，點賊賊；點著邊個做大兵，點著邊個做大賊。

〔點指兵兵〕
點指兵兵，點指賊賊，點著誰人做大兵，點著誰人做大賊。

〔點指兵兵〕
點指兵兵，點着誰人做大兵，點指賊賊，點着誰人做大賊。

〔點豬包包〕
點豬包包、菠蘿顦顦，唔係捉豬就捉牛，捉到黃牛三百兩，馬尾豬肝炒韭菜，一人夾枝就行開，行到恁頭跌落水溝渠！

〔點蟲蟲〕
點蟲蟲，蟲蟲飛，飛到荔枝基。荔枝熟，無埞僕，撲落阿仔個鼻哥窿。

〔點蟲蟲〕
點蟲蟲，蟲蟲飛，飛到荔枝基。荔枝熟，摘滿屋，屋滿紅，陪住個細蚊公。

〔點蟲蟲〕
點蟲蟲，蟲蟲飛，飛到荔枝基；荔枝熟，摘邊樸，邊樸啖啖肉。

〔騎牛牛〕
騎牛牛，牛牛走，牛牛響前咪回頭，若然回頭就打籮柚。

〔騎膊馬〕
一人騎膊馬，兩人騎豬乸，三步要埋頭，撞到面就打。

〔轆銅仙〕
轆銅仙，打銅錢，全憑眼界手出變，叮響銅錢畀個仙。

〔瀨尿蝦〕
攋尿蝦，煮冬瓜，煮唔熟，賴亞媽。

〔瀡滑梯〕
細蚊仔，瀡滑梯，因住跌落嚟，咪學陳德貴，成日流鼻涕，跌親個籮柚唔好睇。

〔蘿蔔頭〕
蘿蔔頭，點豉油，點得多，鹹過頭，點得少，淡茂茂。佢以爲，好正斗，點不知，畀人踢籮柚，一踢踢到西門口。

〔黐塘尾〕
黐塘尾，塘尾飛，飛到菜田基，田基有條蛇，嚇親你兩仔爺。

〔黐塘尾〕
黐塘蟲尾，塘蟲尾飛，飛到菜田基。田基有條蛇，嚇嚫你兩仔爺。

〔攋尿蝦〕
攋尿蝦，煲冬瓜，煮唔熟，賴亞媽。

〔氹氹轉〕
氹氹轉，菊花園，炒米餅，糯米糰，亞媽叫我睇龍船，我唔睇，睇鷄仔，鷄仔大，攞去賣，賣得幾多錢？賣得三百錢，返唻買屋又買田。

〔氹氹轉〕
氹氹轉，菊花園，炒米餅，糯米糰。亞媽叫我睇龍船，我唔睇，睇鷄仔，鷄仔大，攞去賣，賣得幾多錢？賣得三百六十五個仙。

〔氹氹轉〕
氹氹轉，菊花園，炒米餅，糯米糰。阿媽叫我睇龍船，我唔睇，睇雞仔．雞仔大，捉去賣，賣到幾多錢？賣到三百錢。一百打金釵，二百打銀牌，今朝戴，明朝戴，請個婆婆出嚟拜，拜得多，冇奈何，三酲酒，兩隻鵝，鵝頭鵝尾送俾大妗婆。大妗婆唔起屋，送俾三叔。三叔騎膊馬，老鼠拉冬瓜．．．

〔氹氹轉〕
氹氹轉，菊花園；炒米餅，糯米糰；五月初五係龍舟節啊，亞媽佢叫我去睇龍船；我唔唔去睇，要去睇雞仔；雞仔大，搦去賣；賣咗幾多錢？賣咗幾多隻啊？我買隻風車仔，佢轉得好好睇，睇佢氹氹轉啊菊花園，睇佢氹氹轉啊氹氹轉啊轉。

〔瞹姑乖〕
曖姑乖，曖姑眠，阿姑唔眠就大棍鮮，鮮得我地阿姑週身籐條拎呀，眼淚唔亁又去眠。

〔瞹姑乖〕
瞹姑乖，瞹大阿姑嫁後街，後街又有乜嘢賣？後街又有鮮魚鮮肉賣，又有鮮花戴，戴唔晒，收落床頭又怕俾老鼠拉。

〔雞公仔〕
雞公仔，尾婆娑，三歲孩兒學唱歌，唔使姑娘教導我，自己精乖呢--你可奈何？

〔鷄公仔〕
鷄公仔，尾高高，養兒養女唔好咁心粗。唔好心肝唔好，就唔記得父母嘅功勞。

〔鷄公仔〕
鷄公仔，尾彎彎，做人新婦甚艱難！早早起身都話晏，眼淚唔乾入下間，下間有個冬瓜仔，問安人老爺煮定蒸，安人又話煮，老爺又話蒸，蒸蒸煮煮唔中安人老爺意，大把拉鹽又話淡，手甲挑鹽又話鹹，三朝打爛三條夾木棍，四朝跪爛四條裙！咁好花裙畀你跪爛，咁好石頭畀你跪崩！橫又難，直又難，不如捨命落陰間！人話陰間條路好，我話陰間條路好艱難！

〔鷄公仔〕
鷄公仔，尾彎彎，做人新婦甚艱難。早早起身都話晏，眼淚唔乾入下間。下間有個冬瓜仔，問過安人煮定蒸。安人話煮，老爺又話蒸，蒸蒸煮煮唔鍾意。大喳嚹鹽佢話淡，手甲挑鹽又話鹹。三朝打爛三條夾木棍，重話：咁好花裙畀妳跪到爛，咁好石頭畀妳跪到崩。橫又難，直又難，不如捨命落隂間。人話隂間條路好，我話隂間條路好艱難。

〔圖：網絡．修〕
〔編：蕭南仁．2014年5月19日〕
〔消失的世界．廣東話資料館〕

LikeShow More Reactions

12 comments

Comments

Kevin Kwan 97前晚晚都聽到的英國國歌“God save the Queen”的前奏曲“個個揸住個波”........那是否都算消失的童謠呢？

LikeShow More Reactions

28 December 2016 at 23:38

Kong Man Hong 〔氹氹轉〕各版不同，"搦" vs "攞"。小時候的用語當為「搦」。阿媽會話:「搦住啦」、「搦咗去邊啊」等等

LikeShow More Reactions

28 December 2016 at 20:11Edited

Kong Man Hong 耶蘇“取”老婆》娶，利“踏”利》沓

LikeShow More Reactions

28 December 2016 at 20:22

Evelyn Tsui 點解我中意你. 因為你係靚！見晤到你我就病. 病完之後面青青. 㸃解我中意你. 因為你係靚咯！

LikeShow More Reactions

19 June 2016 at 01:01

Edwin Chow 入女廁被查身份証是不是因為起革命（男女性別平等）？

LikeShow More Reactions

17 June 2016 at 14:21Edited

Ho L Ho 月光光都多版本

LikeShow More Reactions

18 June 2016 at 12:37

Wong Chun Mun 钟爱粤语童谣！感荷分享！

LikeShow More Reactions

17 June 2016 at 14:20

Wong Chun Mun 年卅晚，摘槟榔。槟榔香，摘子姜. . . . . . . .

LikeShow More Reactions

17 June 2016 at 14:18Edited

Melody Sugar 至中意嘔叮噹！哈哈哈哈！

Thursday, 1 June 2017

广州话八级考试最后一题

广州话八级考试最后一题，连现在的“广州人”中60%以上都不一定通得过！请看：懂得全部 200 句就可以算是精通廣東話。
這 200 句廣州話歇後語和其他更多的歇後語一樣，如不繼承傳誦，很快會失傳 …… 慢慢睇

🤓

1. 阿茂整餅：
無嗰樣整嗰樣。
2. 屙尿入盅：
執正嚟做。
3. 半夜食黃瓜：
唔知頭唔知尾。
4. 扁鼻佬戴眼鏡：
冇得頂。
5. 陳年中草藥：
發爛渣。
6. 城樓跑馬：
一味兜圈。
7. 豉油撈飯：
整色整水。
8. 廚房階磚 (豉油樽蓋)：
鹹濕。
9. 單眼佬睇老婆：
一眼睇晒。
10. 賣布唔帶尺：
存心不良（量）。
11. 番鬼佬月餅：
悶極 (Moon cake 的諧音)
12. 番薯跌落灶：
該煨。
13. 飛機打交：
高竇（高鬥）。
14. 飛機火燭：
銷魂（燒雲）。
15. 非洲和尚：
乞人憎（黑人僧）。
16. 肥佬着笠衫：
幾大就幾大。
17. 肥婆坐屎塔：
佮佮陷。
18. 墳場發電機：
電死人。
19. 風吹雞蛋殼：
財散人安樂。
20. 閉眼射靶：
不妙（瞄）。
21. 棺材鋪拜神：
想人死。
22. 棺材頭燒炮仗：
嚇死人。
23. 跪地餵豬乸：
睇錢份上。
24. 深海石斑：
好瘀（好魚）。
25. 航空母艦/新澤西號：
食水深（賺到盡）。
26. 和尚擔遮：
無法（髮）無天。
27. 黑白天鵝：
日哦夜哦。
28. 黃皮樹鷯哥：
唔熟唔食。
29. 白鱔上沙灘：
唔死一身潺。
30. 火燒旗杆：
長嘆（炭）
31. 棚尾拉箱：
走佬。
32. 無耳茶壺：
得把嘴。
33. 屎坑三姑：
易請難送。
34. 老公荷包：
膚淺（夫錢）。
35. 老公撥扇：
悽涼（妻涼）。
36. 老婆擔遮：
陰功（陰公）。
37. 老鼠尾生瘡：
大極有限。
38. 甩柄士巴拿：
得棚牙。
39. 落雨擔遮：
死黨（死擋）。
40. 賣魚佬：
有聲（腥）氣。
引申句（賣魚佬洗身：
無晒聲（腥）氣）。
41. 南無佬跌落屎坑：
無晒符。
42. 牛皮燈籠：
點極都唔明。
43. 年三十晚謝灶：
好做唔做。
44. 年晚煎堆：
人有我有。
45. 撒路溪錢：
引死人。
46. 筲箕兜水：
漏洞百出。
47. 山草藥：
噏得就噏。
48. 神仙放屁：
不同凡響。
49. 神仙過鐵橋：
包穩陣。
50. 神檯貓屎：
神憎鬼厭。
51. 生蟲拐杖：
靠得住。
52. 隔夜痰盂/隔夜茶：
唔賭（倒）得唔得，
形容那些爛賭的人。
53. 屎忽生瘡：
無眼睇。
54. 石灰鋪路：
白行。
55. 屎坑關刀：
文(聞)又唔得武(舞)又唔得
56. 屎坑石頭：
又臭又硬。
57. 濕水欖核：
坐唔定/捉唔住。
58. 濕水棉花：
無得彈。
59. 十月芥菜：
起晒心 (形容恨嫁姑娘)
60. 十月蔗頭：
由頭甜到尾。
61. 壽星公吊頸：
嫌命長。
62. 甩頭筆：
唔寫（捨）得。
63. 海軍鬥水兵：
水鬥水。
64. 死人燈籠：
報大數。
65. 抬棺材甩褲：
失禮死人。
66. 除褲放屁：
多此一舉。
67. 成吉思汗蒙打仔：
大汗(耷)細汗
(大汗淋漓的意思)。
68. 水瓜打狗：
唔見左截。
69. 灶君跌落鑊：
精（蒸）神。
70. 阿崩叫狗：
越叫越走。
71. 賣鯇魚尾：
搭嘴。
72. 橋上倒涼茶：
何（河）苦。
73. 冇尾飛陀：
有去冇回/無影無蹤。
74. 牀下底破柴：
撞板。
75. 投石落屎坑：
激起公憤（糞）。
76. 亞聾送殯：
唔聽你枝死人笛。
77. 狗上瓦坑：
有條路。
78. 紙紮下巴：
口輕輕。
79. 鼎湖上素：
好齋。
80. 亞婆食粥：
無耻（齒）下流。
81. 隔夜油炸鬼：
冇晒火氣。
82. 老火炆鴨：
得把嘴硬。
83. 鷄食放光蟲：
心知肚明。
84. 潮州二胡：
自己顧自己。
85. 貓咪洗面：
係咁意。
86. 亞蘭嫁亞瑞：
累鬥累。
87. 冇耳藤篋：
靠托。
88. 隔年通勝：
唔值錢。
89. 幡桿燈籠：
照遠唔照近。
90. 三元宮土地：
錫（惜）身。
91. 陸雲庭睇相：
唔衰攞嚟衰。
92. 秀才手巾：
包輸（書）。
93. 倒掛臘鴨：
油嘴滑舌。
94. 雷公劈豆腐：
搵軟嘅嚟 “蝦”。
95. 魚生粥：
啱啱熟。
96. 火麒麟：
周身癮。
97. 亞超着褲：
侷住。
98. 屙尿射竹筒：
靠撞。
99. 有早知：
冇乞兒。
100. 泥菩薩過江：
自身難保。
101. 陳村碼頭：
逢賭（渡）必啱。
102. 閻羅王探病：
問你死未。
103. 閻羅王請人：
揾鬼黎做。
104. 酒樓例湯：
整定。
105. 鐵拐李踢波：
壹腳踢。
106. 船頭尺：
度水（借錢）。
107. 太監騎馬：
無得頂。
108. 天堂尿壺：
全神貫注。
109. 細佬哥剃頭：
就快就快。
110. 床下底踢毽：
大家都係咁高。
111. 火燒豬頭：
熟口熟面。
112. 牛頭唔搭馬嘴：
各說各話。
113. 裁縫度身：
有分寸。
114. 朱義盛：
假野。
113. 唔食羊肉一身羶：
無端受牽連。
114. 單料銅煲：
一滾就熟，
形容那些容易與人混熟的人(一般用於女性)。
115. 電燈膽：
唔通氣。
116. 掘尾龍：
搞風搞雨。
117. 生仔姑娘醉酒佬：
唔要又要，唔制又制
118. 二叔公割禾：
望下截。
119. 挖肉攞瘡生：
自討苦吃。
120. 火燒城隍廟：
急死鬼。
121. 食咗成擔蒜頭：
大口氣。
122. 冇掩雞籠：
自出自入。
123. 上香打噴嚏：
一面灰。
124. 大石砸死蟹：
冇聲出。
125. 大花臉抹眼淚：
離行離隙。
126. 水溝油：
撈唔埋。
127. 炮仗頸：
形容那些脾氣急躁、
遇事不能埋藏於心內，
要爆發出來才舒服的人。
128. 豬頭骨：
難啃兼冇肉。
129. 瓦風嶺：
包頂頸。
130. 上好沉香當爛柴：
唔識貨。
131. 香蕉樹影：
粗枝大葉。
132. 跑馬射蚊髭：
形容機會十分渺茫。
133. 冇檳榔嚼唔出汁：
事出有因。
134. 指天椒：
越細越辣，形容年紀雖小但難以應付的「後生仔/女」。
135. 閻羅王開攤：
揾鬼買。
139. 二叔公煎糕：
翻來覆去。
140. 出爐鐵：
聽打/唔打唔得。
141. 十二點半鐘：
指天篤地。
142. 大良阿斗官：
罵人家是二世祖。
143. 二打六：
形容別人未夠斤兩，
只是個普通人/普通料。
144. 大花筒：
形容那些喜歡亂使錢
恣意揮霍的人。
145. 大肚婆行鋼線：
鋌（挺）而走險。
146. 馬騮臭狐：
唔係人咁味
（不近人情或性格乖僻）
147. 飛機運茶壺：
高水平（瓶）。
148. 上山捉蟹：
難之又難。
149. 狗咬賊仔：
暗啞底/死忍。
150. 土地燈籠：
徹夜不熄，
形容那些愛過夜生活，徹夜未歸以致早晚顛倒的人
151. 三行佬做門：
過得自己過得人。
152. 一隻筷子食豆腐：
搞爛晒。
153. 問和尚借梳：
嘥氣。
154. 牛皮燈籠：
點極都唔明。
155. 密底算盤：
冇漏罅，
形容那些非常精打細算，
壹分錢都不放過的吝嗇鬼
156. 乾隆皇契仔：
周日清，周日清是坊間小說中乾隆皇的契仔。
157. 盲公開眼：
酸得厲害，
形容某些食物味道太酸，
使盲公也被酸至開眼。
158. 田雞過河：
各有各躥（各走各路）
159. 菠蘿雞：
靠黐（佔人便宜）
159. 關公細佬：
亦得（翼德）。
160. 烏蠅摟馬尾：
壹拍兩散。
161. 冇米粥：
水汪汪(形容事情不實際)
162. 扭紋柴：
難搞，形容很麻煩的人
163. 神仙過鐵橋：
包穩陣。
164. 市橋蠟燭：
假細心（芯）。
165. 茅根竹：
借（蔗）水，
引申為形容那些經常向別人借錢的人。
166. 剃刀門楣：
出入都刮。
167. 豬籠入水：
財源滾滾。
168. 蛋家雞見水：
得個睇字。
169. 戥穿石：
陪襯的人/伴郎。
170. 冰跌落醋酲：
寒酸。
171. 賊佬試沙煲：
小心翼翼地試一下。
172. 大姑娘做媒：
講人唔講自己。
173. 火燒石灰船：
冇得救（無藥可救）
174. 茶樓搬家：
另起爐灶。
175. 廣東涼茶/王老吉：
包好。
176. 火燒燈芯：
無嘆（炭）燈芯燒盡了是不會變成炭的。
177. 瓦荷包：
有兩個錢就當當響。
178. 菜刀剃頭：
牙煙。
179. 水浸塔頂：
奄（淹）尖。
180. 公用電話：
有錢有得傾，冇錢冇得傾
181. 打齋鶴：
度人升仙。
182. 打爛沙盆：
問（璺）到篤。
183. 石地堂對鐵掃把：
硬碰硬。
184. 石灣公仔：
冇腸肚（形容那些思想單純的人）。
185. 石罅米：
俾雞啄（形容那些只肯花錢嫖妓的人）。　
186. 光棍佬教仔：
便宜莫貪。
187. 奶媽湊仔：
不屬於自已的事物。
188. 冬前臘鴨：
隻棱隻（形容一隻跟著一隻的情況）。
189. 早知燈係火：
唔使盲摸摸。
190. 番鬼婆大肚：
心懷鬼胎。
191. 護照照片：
出洋相。
192. 茶瓜送飯：
好人有限。
193. 劉備借荊州：
有借沒回頭（形容那些借錢不還的人）。
194. 曬菲林：
唔見得光。
195. 神檯桔：
陰乾。
196. 皮鞋筋：
壹扯到口。
197. 冷巷擔竹竿：
直出直入。
198. 細佬哥玩泥沙：
兒戲（嘻）。
199. 番鬼佬睇榜：
掉轉嚟。
200. 珠璣路尾：
多餘（如）
註：珠璣路尾有一間 “多如茶樓” 因而得名。

Thursday, 30 March 2017

陳曉蕾

29 March at 21:54

讓台灣朋友不會無聊的香港旅遊路線:

1.大嶼山住民宿, 吃海鮮, 去大澳
2. 扶手電梯, PMQ, 太平山街飲咖啡, 再逛去西環碼頭看海
3.西貢, 逛街, 坐船出海

還有呢?
大家接下去?

Saturday, 17 December 2016

我在寫油麻地戲院。發現這個，笑死沒命賠。😊
經典油麻地戲院........戲名

1. 借叔一簫
2. 幣傢伙,地鐵有色魔
3. 你插落,所以我快樂
4. 大濫交0野公園
5. 搓暖無限Touch
6. 處女又一穿
8. 豐乳同露
9. 純情乳交七
10. 愈浪漫愈快硬
11. 二人含,一六九
12. 吾家幼女有毛有液
13. 暴露迷城
14. 萬事起頭難
15. 啜袋雙嬌
16. 愛撫唔怕做
17. 我很醜，可是我很持久
18.捉人深處強姦（竹林深處人家）
19. 鹹濕保母賤嬰兒
20. 淫珠格格與扯旗貝勒
21. 睪飛丸走
22. 笑傲肛門
23. 0架妹多多包含
24. 扑濕瑪莉
25. 住家淫娃咬節瓜
26. G觸者, 頻亦樂
28. 三皇一后知多少
29. 真金不迫紅爐火,真波不怕任你摸!
30. 男人老狗鳥不起
31. 簫塞豐乳中
32. 秋風起,性慾o黎
33. 吹蕭一刻直不甩<------:em02:
34. 我愛一枝棒
35. Do野雄心之射野比天高
36. 含乳淫龍拳
37. 大圍三姑三圍大
38. 強姦大力Un《唐山大地震》
39. 自摸雙番西
40. 鹹伯夫@@秋香
41. 你偷窺,我插西
42. 插班女學生
43. 開心時刻@@屎忽(開心時刻PIZZA HUT)
44. 午夜胸玲 - 精子全身
45. 中華精蟲卜爆棒
46. 廿二世紀插人兩鑊
47. 博愛歡樂性濫交
48. 快感係鞭度
49. 淫眼碌碌逐個郁
50. 千金難買插得深
51. 午夜胸圍
52. 你淫我賤真夠寸
53. 非禮蜜言
54. 楊太老公楊巨祥
55. 失驚毛神奔走痕
56. 仙樂歌聲處處淫
57. 吉川春代子大戰博野真太郎
58. 香港雛妓大學(香港科技大學)
59. 芥蘭強狂插波菜蓮
60. 淫人妻女笑騎騎
61.上水呀女金魚嘴(GEM???)
62.張李老婆交換砌
63.專攪性愛電視台
64.大波特警組
65.佢誘母陪你瞓
66.射實妳
67.乳你有關
68.插班處女學生
69.色情收陰肌
70.狗向西奔走
71.妹愛迎肛棒
72.手口並用試上癮
73.東京呻吟攻略
74.鹹濕外父搵女砌
75.今日鑽深d
76.大吉大利大波大
77.鳩郁郁,逐個督
78.淫賤MISS來"瞓"導
79.祖國知多D之西部大開發
80.鄰家少婦好雙乳
81.萬惡淫為手
82.家家有本淫賤的經

Cultural Imperatives

Saturday, 17 June 2017

消失的童謠〔雜增篇〕

Comments

Thursday, 1 June 2017

广州话八级考试最后一题

Thursday, 30 March 2017

陳曉蕾

Saturday, 17 December 2016

Thursday, 1 December 2016

香港生態旅遊專業培訓中心 ETTC

About Me

Blog Archive